امام بخش ناسخ

ناسخؔ کہیں جلد آ کے کہیں قاصد جاناں
خط لیجیے دلوائیے انعام ہمارا

مصحفی غلام ہمدانی

ملتا ہے کبھی بوسہ نے گالی ہی پاتے ہیں
مدت ہوئی کچھ ہم کو انعام نہیں ہوتا

مصطفٰیٰ خان شیفتہ

اس ناز و تغافل میں ہے قاصد کی خرابی
بے چارہ کبھی لائقِ انعام نہ ہو گا

جگر مراد آبادی

یہ تو نے کہا کیا اے ناداں فیاضی قدرت عام نہیں
تو فکر و نظر تو پیدا کر کیا چیز ہے جو انعام نہیں

سراج الدین ظفر

موسمِ گل ترے انعام ابھی باقی ہیں
شہر میں اور گل اندام ابھی باقی ہیں

عرفان صدیقی

ورنہ خالی ہو جائیں گے سارے خزانے
آئندہ کسی سر پہ کوئی انعام نہ رکھنا

مجید امجد

روندیں تو یہ کلیاں نیشِ بلا، چومیں تو یہ شعلے پھول
یہ غم یہ کسی کی دین بھی ہے ، انعام، عجب انعام

الطاف حسین حالی

ناچیز ہیں وہ کام نہیں جن پہ کچھ الزام
جو کام ہیں ان کا یہی انعام ہے گویا

رئیس فروغؔ

جینے کی مزدوری کو بیگار کہوں یا کام کہوں
نقد مرگ عطا ہوتا ہے صلہ کہوں انعام کہوں

عزیز حامد مدنی

اے شہر خرد کی تازہ ہوا وحشت کا کوئی انعام چلے
کچھ حرفِ ملامت اور چلیں کچھ ورد زباں دشنام چلے

قتیل شفائی

اک جام کھنکتا جام کہ ساقی رات گزرنے والی ہے
اک ہوش ربا انعام کہ ساقی رات گزرنے والی ہے