امام بخش ناسخ

اڑ گیا رنگ شقائق ترے آگے جس دم
لوگ سمجھے کہ ہوا برف سے کہسار سفید
دم توڑنا ہے فرقت جاناں میں اپنا کام
کچھ کوہ کن نہیں ہیں جو کہسار توڑیے

بہادر شاہ ظفر

یہ ہوئی تاثیر عشق کوہکن سے سنگ آب
اشک جاری اب تلک چشموں سے ہیں کہسار کے

مصحفی غلام ہمدانی

نو بہاراں میں وہ ہو جاوے ہے کیوں سرخ مگر
داغِ دل کو ہے مرے لالۂِ کہسار سے بحث

مصطفٰیٰ خان شیفتہ

قیس و فرہاد کا منہ؟ مجھ سے مقابل ہوں گے ؟
مردم وادی و کہسار کی افواہیں ہیں

جون ایلیا

ہے یہ تیشہ کہ ایک شعلہ سا
بر سرِ کہسار اٹھتا ہے