امام بخش ناسخ

ہوں قافلۂِ عدم سے آگے
اس راہ میں نالۂِ درا ہوں
کرے جو ہر قدم پر ایک نالہ
زمانے میں درا ہے اور میں ہوں

عرفان صدیقی

کیا قافلہ گیا ہے ادھر سے کہ جس کے ساتھ
کچھ ساز و برگ شور درا کے سوا نہ تھا

مصطفیٰ زیدی

گناہگار تو رمز حریم تک پہنچے
ثواب والوں نے بانگِ درا سے باتیں کیں

حسرت موہانی

بن کر میں رضاکار مہیائے فنا ہوں
آوازۂ حق بانگِ درا میرے لیے ہے

حفیظ جالندھری

وہ قافلہ آرام طلب ہو بھی تو کیا ہو
آواز نفس ہی جسے آواز درا ہو

احمد فراز

کس جادہ سے گزرا ہے مگر قافلۂ عمر
آواز سگاں، بانگِ درا تک نہیں آئی

ناصر کاظمی

یاس کی چھاؤں میں سونے والے
جاگ اور شور درا غور سے سن
پھر کوئی قافلہ گزرا ناصر
وہی آواز درا پھر آئی
بیدار رہو بیدار رہو بیدار رہو
اے ہم سفرو آواز درا کچھ کہتی ہے