امام بخش ناسخ

دیا میرے جنازے کو جو کاندھا اس پری رو نے
گماں ہے تختۂِ تابوت پر تختِ سلیماں کا

حیدر علی آتش

پادشاہی سے فقیری کا ہے پایا بالا
بوریا چھوڑ کے کیا تختِ سلیماں مانگوں

عبدالحمید عدم

یوں اٹھتی ہیں انگڑائی کو وہ مرمریں بانہیں
جیسے کہ عدمؔ تختِ سلیماں نہیں اٹھتا

عرفان صدیقی

نارسائی پہ بھی وہ لوگ سمجھتے تھے کہ ہم
شہر بلقیس میں ہیں ملکِ سلیماں والے

رئیس فروغؔ

ہم املاک پرست نہیں ہیں پر یوں ہے تو یوں ہی سہی
اک ترے دل میں گھر ہے اپنا باقی ملکِ سلیماں کا

قتیل شفائی

یہ بھی اعجاز کہیں بادِ مخالف کا نہ ہو
دل اڑا جاتا ہے اورنگِ سلیماں کی طرح