امام بخش ناسخ

دشتِ پر خار میں مہندی کی ہوس بھی نکلی
کب ہماری کف پا ورنہ حنائی ہوتی

حیدر علی آتش

دکھایا حسن سے اعجاز موسی کلک قدرت نے
یدِ بیضا بنایا چور انگشتِ حنائی کا

شیخ ابراہیم ذوق

پنجۂِ مہر کو بھی خون شفق میں ہر روز
غوطے کیا کیا ہے ترا دستِ حنائی دیتا

مصحفی غلام ہمدانی

دلا مت دیدۂِ خوں بار کو پونچھ
ہر اک انگلی حنائی ہو چکی بس

مومن خان مومن

رنگیں ہیں خون سر سے وہ ہاتھ آج کل رہے
جس ہاتھ میں وہ دستِ حنائی تمام شب

جوش ملیح آبادی

چمن شعور نو کو جو لہو سے اپنے سینچے
کبھی اس کو سکھ نہ بخشے کوئی پنجۂ حنائی

ناصر کاظمی

اولیں چاند نے کیا بات سجھائی مجھ کو
یاد آئی تری انگشتِ حنائی مجھ کو