امام بخش ناسخ

جو گھڑی ہے نظر آتی ہے مجھے ایک پہاڑ
ہیں غضب فرقت محبوب کی بھاری راتیں

حیدر علی آتش

وہی سودائے کاکل کا ہے عالم جو کہ سابق تھا
یہ شب بیمار پر بھاری جو آگے تھی سو اب بھی ہے

مصحفی غلام ہمدانی

ہار کیوں اس کے گلے کا میں نہ ہوں زر گر نے
کی ہے زنجیر گلے کی ترے بھاری تیار

جون ایلیا

نگھرے کیا ہوئے کہ لوگوں پر
اپنا سایہ بھی اب تو بھاری ہے
وہ نازک لب ہے اب جانے ہی والا
مری آواز بھاری ہو گئی ہے

بشیر بدر

وہ مصرعۂ آوارہ دیوانوں پہ بھاری ہے
جس میں ترے گیسو کی بے ربط کہانی ہے

اختر ہوشیارپوری

میں اس کو دیکھتا تھا دم بخود تھا حیراں تھا
کسے خبر وہ کڑا وقت کتنا بھاری تھا

قتیل شفائی

ہنسو اور ہنستے ہنستے ڈوبتے جاؤ خلاؤں میں
ہمیں پہ رات بھاری ہے ستارو تم تو سو جاؤ

محسن نقوی

ہم کو ہر دور کی گردش نے سلامی دی ہے
ہم وہ پتھر ہیں جو ہر دور میں بھاری نکلے

ناصر کاظمی

پیارے دیس کی پیاری مٹی
سونے پر ہے بھاری مٹی