امام بخش ناسخ

عین دانائی ہے ناسخؔ عشق میں دیوانگی
آپ سودائی ہیں جو کہتے ہیں سودائی مجھے
ہجر میں گردش بے ہودہ جو ہے اے ساقی
جام کیا کاسۂِ سر ہے کسی سودائی کا

مصحفی غلام ہمدانی

جس دشت میں ناقے کا گزرا نہ قدم ہرگز
اس دشت میں مجنوں سا سودائی ہے اور میں ہوں

حسرت موہانی

یاد کر وہ دن کہ تیرا کوئی سودائی نہ تھا
باوجود حسن تو آگاہ رعنائی نہ تھا

خاطر غزنوی

وحشتوں کا کبھی شیدائی نہیں تھا اتنا
جیسے اب ہوں ترا سودائی نہیں تھا اتنا

فانی بدایونی

لگ گئی بھیڑ یہ دیوانہ جدھر سے گزرا
ایک عالم کو ہے سودا ترے سودائی کا

قتیل شفائی

اڑتے اڑتے آس کا پنچھی دور افق میں ڈوب گیا
روتے روتے بیٹھ گئی آواز کسی سودائی کی
کچھ زلزلے سمو کر زنجیر کی کھنک میں
اک رقص والہانہ سودائی چاہتا ہے

میرا جی

ڈھب دیکھے تو ہم نے جانا دل میں دھن بھی سمائی ہے
میراجیؔ دانا تو نہیں ہے عاشق ہے سودائی ہے

ناصر کاظمی

پکار اے جرسِ کاروانِ صبحِ طرب
بھٹک رہے ہیں اندھیروں میں تیرے سودائی