امام بخش ناسخ

تمہارے روئے مخطط کا منہ چڑھاتے ہیں
یہ مہر و ماہ پری رو گہن کے پردے میں

حیدر علی آتش

رخسارِ یار پر نہیں آغاز خط ابھی
دیکھا نہیں ان آنکھوں نے سورج گہن ہنوز

مصحفی غلام ہمدانی

واں بالوں میں وہ مکھڑا جاتا تھا چھپا کم کم
یاں حشر مرے دل پر اک چاند گہن کا تھا

عرفان صدیقی

کر گیا روشن ہمیں پھر سے کوئی بدرِ منیر
ہم تو سمجھے تھے کہ سورج کو گہن لگنے لگا

مصطفیٰ زیدی

وہ نازش ستارہ و طنار ماہتاب
گردش کے وقت میرے گہن کی شریک تھی

ناصر کاظمی

صبحِ نورس کی آنکھ کے تارے
چاند مرجھا گیا گہن میں، آ