امام بخش ناسخ

ہر بیت میں اک شاہد معنی کی ہے تصویر
ناسخؔ ہے مرقع نہیں دیوان ہمارا

داغ دہلوی

داغؔ خاموش نہ لگ جائے نظر
شعر دیوان ہوا جاتا ہے
کیا پوچھتے ہو کون ہے یہ کسی کی ہے شہرت
کیا تم نے کبھی داغ کا دیوان نہیں دیکھا

عرفان صدیقی

سب شاعراں خریدۂ دربار ہو گئے
یہ واقعہ تو داخلِ دیوان چاہیے

رسا چغتائی

پاس اپنے اک جان ہے سائیں
باقی یہ دیوان ہے سائیں

سلام مچھلی شہری

غالب کے شہر شاہد و نغمہ میں ہم سلام
بکھرے پڑے ہیں میرؔ کے دیوان کی طرح

شاد عظیم آبادی

ہماری شاعری زندہ ہوئی اے شادؔ مرنے پر
کہ شائق نقدِ جاں دے دے کے اب دیوان لیتے ہیں
غزل سے کیا مراد اے شادؔ ہے ارباب معنی کی
کسی دن تصفیہ اس کا مرا دیوان کر دے گا

شکیل بدایونی

ہر ورق شرح محبت کا شکیلؔ
اپنا دیوان ہوا جاتا ہے

فراق گورکھپوری

زمانہ وارداتِ قلب سننے کو ترستا ہے
اسی سے تو سر آنکھوں پر مرا دیوان لیتے ہیں

میرا جی

میرؔ ملے تھے میراجیؔ سے باتوں سے ہم جان گئے
فیض کا چشمہ جاری ہے حفظ ان کا بھی دیوان کریں