امام بخش ناسخ

قدم اغیار کا رکھنا ہو گوارا کیوں کر
تیرے در پر ہے مجھے شغل جبیں سائی کا

حیدر علی آتش

نہیں مٹتی ہے پتھر کی لکیر احباب کہتے ہیں
رہے گا پائے بت پر نقش اپنی جبہہ سائی کا

داغ دہلوی

یوں نہ مقبول ہوا ہو گا کسی کا سجدہ
بت کو ارمان رہا میری جبیں سائی کا

مصحفی غلام ہمدانی

پھر جناب آصف دوراں میں باصد عیش و ناز
ہو گئی آ کر کے مصروف جبیں سائی بسنت

مومن خان مومن

دھر پاؤں آستاں پہ کہ اس آرزو میں آہ
کی ہے کسی نے ناصیہ سائی تمام شب

تلوک چند محروم

رنگ بہار دے نہ سکے خارزار کو
دستِ جنوں میں آبلہ سائی نہ ہو سکی

جوش ملیح آبادی

فلک اور اسے جھکائے سر منزل سفیہاں
ملک آئیں جس کے در پر بہ ہوائے جبہ سائی

حسرت موہانی

ہم سے کیونکر وہ آستانہ چھٹے
مدتوں جس پہ جبہ سائی کی

شاد عظیم آبادی

معتکف جو ترے کوچے کے تھے اٹھتے نہ کبھی
کعبہ خود آ کے اگر ناصیہ سائی کرتا

شکیل بدایونی

سرنگوں کر ہی دیا ذوق جبیں سائی نے
نخوت عشق مٹا دی تری یکتائی نے