انشاء اللہ خان انشا

بے ‌ مدد حق کے کریں کیا مردم دنیا مدد
کب تلک بالا مدد اے عالمِ بالا مدد

حیدر علی آتش

کچھ سرو کا رتبہ ہی نہیں قد سے ترے پست
شمشاد او صنوبر سے بھی بالا ہے تو یہ ہے

جون ایلیا

یاں اس کے سلیقے کے ہیں آثار تو کیا ہم
اس پر بھی یہ کمرا تہ و بالا نہ کریں گے

جگر مراد آبادی

آنکھوں نے دکھا دی جو ترے غم کی حقیقت
عالم مجھے سارا تہ و بالا نظر آیا

ظہیر کاشمیری

ہمارے عشق سے درد جہاں عبارت ہے
ہمارا عشق ہوس سے بلند و بالا ہے

جوش ملیح آبادی

پیمانے پہ جس وقت جھکاتا ہوں صراحی
جھکتا ہے سر عالم بالا مرے آگے

سلام مچھلی شہری

لوگ ہنس کے کہہ دیں گے میں خراب صہبا تھا
مے کدہ یہ خوش ہو گا اس کا بول بالا ہے

نوح ناروی

مرا درد پوچھا مرا حال دیکھا مرے دل کا ارمان تم نے نکالا
خدا اور بھی دے زیادہ مراتب سوا اور اس سے بھی ہو بول بالا