انشاء اللہ خان انشا

اب تو ناداں ہو سنا چاہو سو پیارے کہہ لو
پر تمہیں ہووے گا نقصان یہ گالی دینا

داغ دہلوی

جس نے دل کھویا اسی کو کچھ ملا
فائدہ دیکھا اسی نقصان میں
یہ بھول بھی ہماری ہے یادگار دیکھو
دل دے کے مفت اپنا نقصان کر کے بھولے

عرفان صدیقی

دستِ ستم کا دل پہ کوئی بس نہ چل سکا
تھوڑا سا مریے جسم کا نقصان کر دیا
تجھ کو سپردگی میں سمٹنا بھی ہے ضرور
سچا ہے کاروبار تو نقصان چاہیے

جمال احسانی

اس قدر عیش محبت پہ نہ ہو خوش کہ تجھے
دوسرے عشق میں نقصان اٹھانا پڑ جائے

اکبر معصوم

ہے کسی اور سمے پر گزر اوقات مری
دن خسارہ ہے مجھے رات ہے نقصان مرا

شاد عظیم آبادی

قناعت کی بھی دولت ہو تو استغنا نہیں لازم
جسے تو نفع سمجھا ہے یہی نقصان کر دے گا

قتیل شفائی

پہلے بھی قتیلؔ آنکھوں نے کھائے کئی دھوکے
اب اور نہ بینائی کا نقصان کیا جائے

محسن نقوی

جب سے اس نے شہر کو چھوڑا ہر رستہ سنسان ہوا
اپنا کیا ہے سارے شہر کا اک جیسا نقصان ہوا