انشاء اللہ خان انشا

گر نازنیں کے کہنے سے مانا برا ہو کچھ
میری طرف کو دیکھیے میں نازنیں سہی

داغ دہلوی

طبع نازک کا لطف جب تھا داغؔ
نازنینوں میں نازنیں بنتی

مصطفٰیٰ خان شیفتہ

یاں سبک حرفِ ملامت، واں گراں عرضِ نیاز
سخت جاں میں کب نہ تھا اور نازنیں تو کب نہ تھا

فیض احمد فیض

صبحِ گل ہو کہ شام مے خانہ
مدح اس روئے نازنیں کی ہے

جگر مراد آبادی

اے عشق نالہ کش تری غیرت کو کیا ہوا
ہے ہے عرق عرق وہ تن نازنیں رہے