بہادر شاہ ظفر

کیا سبب تو جو بگڑتا ہے ظفرؔ سے ہر بار
خو تری حور شمائل کبھی ایسی تو نہ تھی

داغ دہلوی

منتوں سے بھی نہ وہ حور شمائل آیا
کس جگہ آنکھ لڑی ہائے کہاں دل آیا

مصحفی غلام ہمدانی

میں پہروں گھر میں پڑا دل سے بات کرتا ہوں
جب اس کے شکل و شمائل سے بات کرتا ہوں

مصطفٰیٰ خان شیفتہ

میں نہیں فرہاد، وہ خسرو نہیں، پھر کیا سبب؟
غیر کا مائل جو وہ شیریں شمائل ہو گیا

مومن خان مومن

تاثیر بیقراری ناکام آفریں
ہے کام ان سے شوخ شمائل کو تھامنا

فیض احمد فیض

بادِ خزاں کا شکر کرو، فیض جس کے ہاتھ
نامے کسی بہار شمائل سے آئے ہیں