بہادر شاہ ظفر

انساں کو کل کا پتلا بنایا ہے اس نے آپ
اور آپ ہی وہ کہتا ہے پتلے کو کل کے چل

حیدر علی آتش

وہ نہیں ہوں کہ رکھائی سے جو ٹل جاؤں گا
آج جاتا تھا تو ضد سے تری کل جاؤں گا

شیخ ابراہیم ذوق

بندہ نوازیاں تو یہ دیکھو کہ آدمی
جزو ضعیف محرمِ اسرار کل ہوا
ڈھل جائے جو دن بھی تو اسی طرح کروں شام
اور چاہوں کہ گر آج سے کل جائے تو اچھا

مومن خان مومن

اتنا تو نہ گھبراؤ راحت یہیں فرماؤ
گھر میں مرے رہ جاؤ آج اور بھی کل جانا

قمر جلالوی

سب کو دنیا سے جانا ہے اک دن قمر
رہ گیا آج کوئی تو کل جائے گا

رئیس فروغؔ

آنگن میں رہے رم جھم رم جھم
پر میں تو رہوں بے کل ساتھی

ادا جعفری

کیفیت انتظار پیہم
ہے آج وہی جو کل رہی تھی

بشیر بدر

یہ آج جس کا ہے اس نام کو مبارک ہو
مری جبیں پہ مرے آنسوؤں سے کل لکھ دے

بیان میرٹھی

کار امروز بفردا مگذار اے واعظ
آج اس کوچہ میں ہوں خلد میں کل جاؤں گا

ضیا جالندھری

فضائیں اس قدر بے کل رہی ہیں
یہ آنکھیں رات بھر جل تھل رہی ہیں

غلام محمد قاصر

مائل سجدہ غلامی بھول جا خوئے سلامی
آج وہ بادل کہاں سایہ فگن جو کل رہے ہیں
سن لے جو آنے والے زمانے کی آہٹیں
کیسے کہے کہ آج بھی کل کا لباس ہو

ماجد صدیقی

لا فانی ہے یہ تو کتابیں کہتی ہیں
روح نجانے رہتی ہے کیوں بے کل سی

احمد فراز

ایسا ہے کہ سب خواب مسلسل نہیں ہوتے
جو آج تو ہوتے ہیں مگر کل نہیں ہوتے

قتیل شفائی

چار جانب جس کی رعنائی کے چرچے ہیں قتیلؔ
جانے کب دیکھیں گے ہم اس آنے والی کل کا رنگ

کیفی اعظمی

اتنا تو زندگی میں کسی کے خلل پڑے
ہنسنے سے ہو سکون نہ رونے سے کل پڑے

ناصر کاظمی

انہیں صدیوں نہ بھولے گا زمانہ
یہاں جو حادثے کل ہو گئے ہیں