بہادر شاہ ظفر

دنیائے دوں کی دے نہ محبت خدا ظفرؔ
انساں کو پھینک دے ہے یہ ایمان و دیں سے دور

مصحفی غلام ہمدانی

ایسا بھی کوئی کرے ہے خلل ملک دیں میں بت
ہرگز میں اس کی شکل کا دیکھا نہ چیں میں بت

مصطفٰیٰ خان شیفتہ

نہ اس زمانے میں چرچا ہے دانش و دیں کا
نہ شوق شعرِ تر و بذلہ ہائے رنگیں کا
ناصح و واعظ کے مطعوں اے صنم ہم کب نہ تھے
آفت جان و بلائے عقل و دیں تو کب نہ تھا
کیا مسلمان ہیں ہم شیفتہ سبحان اللہ
دل سے جاتا نہیں دم بھر بتِ بے دیں کا خیال

فیض احمد فیض

کیسے مانیں حرم کے سہل پسند
رسم جو عاشقوں کے دیں کی ہے

مرزا رفیع سودا

دیکھ تجھ زلف و رو کی الفت کو
کرتے ہیں آج کفر و دیں اخلاص

باقی صدیقی

ترے بغیر نظر کا یہ حال ہے جیسے
تمام شہرکی شمعیں کسی نے گل کر دیں

جگر مراد آبادی

ایمان و کفر اور نہ دنیا و دیں رہے
اے عشق شاد باش کہ تنہا ہمیں رہے

عبدالحمید عدم

باتیں کرو نگار و بہار و شراب کی
اذکار شرع و دیں نہ کرو ہم نشے میں ہیں

احسان دانش

بھرے گی اس میں رنگ احسانؔ دنیا انقلابوں سے
لہو سے اپنے اک تصویر ایسی کھینچ دیں ہم نے

عزیز حامد مدنی

ایسی بھی اس ہوا میں ہے اک کافری کی رو
بجھ بجھ گئے ہیں شعلۂ ایمان و دیں بہت
غلط بیاں یہ فضا مہر و کیں دروغ دروغ
شراب لاؤ غم کفر و دیں دروغ دروغ

فانی بدایونی

جینے کی ہے امید نہ مرنے کا یقیں ہے
اب دل کا یہ عالم ہے نہ دنیا ہے نہ دیں ہے