بہادر شاہ ظفر

جو تو ہو صاف تو کچھ میں بھی صاف تجھ سے کہوں
ترے ہے دل میں کدورت کہوں تو کس سے کہوں
تیرے عارض پر ہوا آخر غبار خط نمود
کھل گئی آئینہ رو دل کی کدورت کھل گئی

شیخ ابراہیم ذوق

رہے جوں شیشۂ ساعت وہ مکدر دونوں
کبھی مل بھی گئے دو دل جو کدورت والے

مصطفٰیٰ خان شیفتہ

خاک عرضِ مدعا اس سے کروں
جس کو باتوں میں کدورت ہو گئی

قمر جلالوی

مری قبر ٹھوکر سے ٹھکرا رہا ہے پسِ مرگ ہوتی ہے برباد مٹی
ترے دل میں میری طرف سے ستمگر کدورت نہیں ہے تو پھر اور کیا ہے

بشیر بدر

جمی ہے دیر سے کمرے میں غیبتوں کی نشست
فضا میں گرد ہے ماحول میں کدورت ہے

حفیظ ہوشیارپوری

کوئی موقع زندگی کا آخری موقع نہیں
اس قدر تعجیل کیوں رفع کدورت کے لیے