بہادر شاہ ظفر

ہمدمو دل کے لگانے میں کہو لگتا ہے کیا
پر چھڑانا اس کا مشکل ہے لگانا سہل ہے

داغ دہلوی

پوری مہندی بھی لگانی نہیں آتی اب تک
کیوں کر آیا تجھے غیروں سے لگانا دل کا

مصطفٰیٰ خان شیفتہ

ہم سے پوچھیں کہ اسی کھیل میں کھوئی ہے عمر
کھیل جو لوگ سمجھتے ہیں لگانا دل کا
شان میں صحبتِ ناکس سے خلل آتا ہے
صبحِ ہجراں کو بس اب منہ نہ لگانا شبِ وصل
بد دماغ آج ہوا وہ گل رو
شیفتہ عطر لگانا موقوف

میر مہدی مجروح

دل خوں گشتہ کا ہو راز نہ افشا اے چشم
اشک گل رنگ کا ٹپکا نہ لگانا ہرگز
ذکر بربادی دہلی کا سنا کر ہمدم
نیشتر زخمِ کہن پر نہ لگانا ہرگز

جگر مراد آبادی

لذتیں ہیں دشمن اوجِ کمال
کلفتوں سے جی لگانا چاہیے

الطاف حسین حالی

جیتے جی موت کے تم منہ میں نہ جانا ہرگز
دوستو دل نہ لگانا نہ لگانا ہرگز

حسرت موہانی

باہزاراں اضطراب و صدہزاراں اشتیاق
تجھ سے وہ پہلے پہل دل کا لگانا یاد ہے

شکیل بدایونی

محبت پر پئے ترکِ محبت
کوئی تہمت لگانا چاہتا ہوں
یہ دنیا ہے یہاں دل کو لگانا کس کو آتا ہے
ہزاروں پیار کرتے ہیں نبھانا کس کو آتا ہے