مرزا غالب

میں سادہ دل، آزردگی یار سے خوش ہوں
یعنی سبقِ شوقِ مکرر نہ ہوا تھا
بہرا ہوں میں، تو چاہیے ، دونا ہوں التفات
سنتا نہیں ہوں بات مکرر کہے بغیر
یا رب، زمانہ مجھ کو مٹاتا ہے کس لیے ؟
لوحِ جہاں پہ حرفِ مکرر نہیں ہوں میں

مصطفٰیٰ خان شیفتہ

قبر سے اٹھ کے یہی دھیان مکرر آیا
وہ تو آئے نہیں میں آپ میں کیوں کر آیا

عرفان صدیقی

مٹی کی مملکت میں علم اسم بوترابؑ
افلاک پر ندائے مکرر، علیؑ علیؑ

الطاف حسین حالی

قند سے شیریں تری پہلی نگاہ
دوسری قند مکرر سے لذیذ

احمد فراز

کس کے لبوں پہ نعرۂ منصور تھا فراز
ہے چار سو صدائے مکرر لگی ہوئی

شاذ تمکنت

گر سن سکو تو شاذؔ کی خاموشیاں سنو
تکلیف عرضِ حال مکرر مجھے نہ دو