حیدر علی آتش

ہوتا ہے گل کے سونگھے سے دونا گرفتہِ دل
مجھ سا بھی بد دماغ کم اس بوستاں میں ہے
شیدائے روئے گل نہ تو شیدائے قد سرو
صیاد کے شکار ہیں اس بوستاں میں ہم

مصحفی غلام ہمدانی

تصویر کسی کی دیکھتے ہیں
محو گل و بوستاں نہیں ہم

مصطفٰیٰ خان شیفتہ

یہ کس گل رو کا عالم یاد آیا
دمِ سرد اک نسیم بوستاں ہے

میر مہدی مجروح

گریباں چاک ہیں گل بوستاں میں
اثر کتنا ہے بلبلِ کی فغاں میں

عبدالحمید عدم

جو واقعے تھے وہ گونجتے زمزموں کے مانند موجزن تھے
جو خواب تھے سرو بوستاں تھے حضور کو کچھ تو یاد ہو گا

مجید امجد

بچا کے رکھا ہے جس کو غروبِ جاں کے لیے
یہ ایک صبح تو ہے سیر بوستاں کے لیے

اسرار الحق مجاز

ہر نرگس جمیل نے مخمور کر دیا
پی کر اٹھے شراب ہر اک بوستاں سے ہم