مرزا غالب

جلوۂِ گل نے کیا تھا واں چراغاں آبِ جو
یاں رواں مژگان چشمِ تر سے خونِ ناب تھا

انشاء اللہ خان انشا

کاش ابر کرے چادرِ مہتاب کی چوری
تا مجھ سے بھی ہو جام مئے ناب کی چوری

مصحفی غلام ہمدانی

یہ دم اس کے وقت رخصت بہ صد اضطراب الٹا
کہ بہ سوئے دل مژہ سے وہیں خونِ ناب الٹا
ان آنکھوں سے آب کچھ نہ نکلا
غیر از خوں ناب کچھ نہ نکلا

مصطفٰیٰ خان شیفتہ

ہوش کا پاؤں جو یاں آ کے پھسل جاتا ہے
کیا لنڈھائی ہے مئے ناب ترے کوچے میں
پلا جام ساقی مے ناب کا
کہ کچھ حظ اٹھے سیرِ مہتاب کا
وہاں بے خودوں کی خبر کون لے
جہاں شغل ہو بادۂ ناب کا
طلبِ بوسہ پر اس لب سے شکر آب لذیذ
تند ہے ، تلخ ہے ، لیکن ہے مئے ناب لذیذ
ردِ زحاد سہی پر نہیں مقبولِ مغاں
تا نہ معلوم ہو تلخیِ مے ناب لذیذ

مرزا رفیع سودا

پھر جاتی ہیں اس طرح سے اک پل میں وہ انکھیاں
جوں بزم میں ہو جام مئے ناب کی گردش

میر انیس

حرارتیں ہیں مآل حلاوت دنیا
وہ زہر ہے جسے ہم شہد ناب سمجھے ہیں

عبید اللہ علیم

اس کو کم ظرفی رندان گرامی کہیے
نشے چھوڑ آئے مئے ناب اٹھا کر لے آئے

احمد فراز

پھر خونِ خلق و گردن مینا بچائیو
پر چل پڑا ہے ذکرِ مئے ناب دیکھنا