حیدر علی آتش

منزل گور کے دیوانوں کے
سینہ پر سنگ رہا کرتا ہے

شیخ ابراہیم ذوق

میرے گریے کے اثر سے ہو گئے پتھر بھی آب
جھڑتے ہیں جائے شرر پانی کے قطرے سنگ سے

مصحفی غلام ہمدانی

بیداد باغباں سے جو میں سیر باغ کی
لاکھوں دبی پڑی تھیں تہہِ سنگ عندلیب
گر شاخِ گل میں ہو کمر یار کی لچک
اس سے اڑے نہ کھاوے اگر سنگ عندلیب
عاشق کہیں ہیں جن کو وہ بے ننگ لوگ ہیں
معشوق جن کا نام ہے وہ سنگ لوگ ہیں

باقی صدیقی

اس کارگہ رنگ میں ہم تنگ نہیں کیا
جو سر پہ لگا ہے ابھی وہ سنگ نہیں کیا

عرفان صدیقی

جو دیکھئے تو نہ تیغِ جفا نہ میرا ہاتھ
جو سوچئے تو کہیں زیرِ سنگ سا کچھ ہے

ظہیر کاشمیری

لوحِ مزار دیکھ کے جی دنگ رہ گیا
ہر ایک سر کے ساتھ فقط سنگ رہ گیا
کل کائنات‌ فکر سے آزاد ہو گئی
انساں مثال‌ دستِ تہِ سنگ رہ گیا

قتیل شفائی

پربتوں سے نکل آئیں گے تھرکتے پیکر
نغمہ زن، خامشی سنگ دکھائی دے گی

مجروح سلطان پوری

بہ نام کوچۂ دل دار گل برسے کہ سنگ آئے
ہنسا ہے چاک پیراہن نہ کیوں چہرے پہ رنگ آئے