حیدر علی آتش

مسافر کی طرح رہ خانہ بر دوش
نہیں جائے اقامت دار فانی

داغ دہلوی

غم قیامت کا نہیں واعظ مجھے یہ فکر ہے
دین کب باقی رہا دنیا اگر فانی ہوئی

مصحفی غلام ہمدانی

وفا کی اس سے طلب کر نہ ہرگز اے ناداں
کہ بے وفا ہے طلسم جہان فانی آپ

یگانہ چنگیزی

لو لگی ہے یار سے اپنی طرف کھینچے گا کیا
جلوۂ نقش و نگار عالمِ فانی مجھے

جون ایلیا

ہے مرے شوقِ وصل کو یہ گلہ
اس کا پہلو سرائے فانی ہے

سراج الدین ظفر

محبت کو تو عمرِ جاؤداں بھی مختصر ہو گی
الٰہی کیا کروں میں عمر فانی لے کے آیا ہوں

مصطفیٰ زیدی

اک ترا لمحۂ اقرار نہیں مر سکتہ
اور ہر لمحہ زمانے کی طرح فانی ہے

احسان دانش

کھل چکا ہاں کھل چکا دل پر ترا رنگیں فریب
دے نہ دھوکا اے طلسم ہستی فانی مجھے

اختر شیرانی

دو گھڑی مل بیٹھنے کو بھی غنیمت جانیے
عمر فانی ہی سہی یہ عمر فانی پھر کہاں

بہزاد لکھنوی

اے چشم حقیقت میں دنیا کو یہ سمجھا دے
باقی بھی وہی نکلی جو چیز کہ فانی تھی

بشیر بدر

شام آنکھوں میں آنکھ پانی میں
اور پانی سرائے فانی میں

تلوک چند محروم

باغ دنیا میں یوں ہی رو ہنس کے کاٹوں چار دن
زندگی ہے شبنم و گل کی طرح فانی مری

جلیل مانک پوری

اداؤں پہ کر دی فدا ساری ہستی
نگاہوں پہ دنیائے فانی لٹا دی

حسرت موہانی

نہ صورت کہیں شادمانی کی دیکھی
بہت سیر دنیائے فانی کی دیکھی

حفیظ جالندھری

ہے ازل کی اس غلط بخشی پہ حیرانی مجھے
عشق لافانی ملا ہے زندگیِ فانی مجھے

سیماب اکبر آبادی

جاؤدانی ہوں میں اے دنیا پرستش کر مری
یہ مسلم ہے کہ تو فانی ہے میں فانی نہیں
بہہ چکا ہے خون پانی کی طرح انسان کا
معتدل پھر بھی مزاج عالمِ فانی نہیں

فانی بدایونی

چلے بھی آؤ وہ ہے قبر فانیؔ دیکھتے جاؤٔ
تم اپنے مرنے والے کی نشانی دیکھتے جاؤٔ
وہ اٹھا شور ماتم آخری دیدار میت پر
اب اٹھا چاہتی ہے نعش فانیؔ دیکھتے جاؤٔ

امیر مینائی

نوبت شاہی سے آتی ہے صدا شام و سحر
اور کر لے چار دن اس دار فانی پر گھمنڈ

نوح ناروی

دم اخیر اس کو اب نہ سوچیں یہ سوچنا چاہیے تھا پہلے
مآل کیا ہو گا زندگی کا جہان فانی ہے اور ہم ہیں
بقا کا چرچا جہان بھر میں مگر بقا سے جہان خالی
خیال عیش مدام کیسا جہان فانی ہے اور ہم ہیں