داغ دہلوی

مشہور ہیں سکندر و جم کی نشانیاں
اے داغؔ چھوڑ جائیں گے ہم یادگار دل
کون سا دل ہے جس میں داغؔ نہیں
عشق میں یادگار ہم بھی ہیں

یگانہ چنگیزی

نہ قیس ہے نہ وہ محمل سوار باقی ہے
بس اک غبار فقط یادگار باقی ہے
زمانے پر نہ سہی دل پہ اختیار رہے
دکھا وہ زور کہ دنیا میں یادگار رہے

جون ایلیا

آپ اپنا غبار تھے ہم تو
یاد تھے یادگار تھے ہم تو
تجھے کیا خبر مہ و سال نے ہمیں کیسے زخم دیے یہاں
تری یادگار تھی اک خلش تری یادگار بھی اب نہیں

اختر شیرانی

نہ وہ خزاں رہی باقی نہ وہ بہار رہی
رہی تو میری کہانی ہی یادگار رہی

علی سردار جعفری

کھوئی ہوئی عظمتوں کے وارث
کل رات کے یادگار چہرے

ماجد صدیقی

تو میری نظر میں اجنبی بھی
ملنا ترا یادگار بھی ہے

تلوک چند محروم

گنبد گرد باد ہے سر بہ فلک ہر اک طرف
دشتِ جنوں میں رہ گئی قیس کی یادگار کیا

فانی بدایونی

میں کب سے موت کے اس آسرے پہ جیتا ہوں
کہ زندگی مری مرنے کی یادگار رہے
شباب ہوش کہ فی الجملہ یادگار ہوئی
جو عمر صرف تماشائے حسنِ یار ہوئی

ناصر کاظمی

دنیا تو سدا رہے گی ناصر
ہم لوگ ہیں یادگار کچھ دیر