داغ دہلوی

چھوڑ کر اس کو تری بزم سے کیوں کر جاؤں
اک جنازے کا اٹھانا ہے اٹھانا دل کا
بزمِ دشمن سے تجھے کون اٹھا سکتا ہے
اک قیامت کا اٹھانا ہے اٹھانا تیرا

شیخ ابراہیم ذوق

لطف اٹھانا ہے اگر منظور اس کے ناز کا
پہلے اس کا ناز اٹھانا کوئی ہم سے سیکھ جائے

مصطفٰیٰ خان شیفتہ

روزِ ہجراں میں اٹھے جاتے ہو کیوں دنیا سے
شیفتہ اور بھی تم لطف اٹھانا شبِ وصل
واں ہوا پردہ اٹھانا موقوف
یاں ہوا راز چھپانا موقوف

میر مہدی مجروح

حرف تم اپنی نزاکت پہ نہ لانا ہرگز
ہاتھ بیداد و ستم سے نہ اٹھانا ہرگز
ہوں تنک‌ ظرف نہ جھیلوں گا شراب پر زور
پردہ یکبار نہ چہرے سے اٹھانا ہرگز
ہم سے بیمار بھی جاں بر کہیں ہوتے ہیں مسیح
تم یہاں آ کے نہ تکلیف اٹھانا ہرگز

عبدالحمید عدم

اسباب تو بن ہی جاتے ہیں تقدیر کی ضد کو کیا کہیے
اک جام تو پہنچا تھا ہم تک ہم جام اٹھانا بھول گئے

جلیل مانک پوری

ناز اٹھانے کو اٹھاتے ہیں سبھی
اپنے دل کا ناز اٹھانا اور ہے