داغ دہلوی

اے حضرتِ دل!جائیے ، میرا بھی خدا ہے
بے آپ کے رہنے کا نہیں کام مرا بند

شیخ ابراہیم ذوق

دل کہاں سیر تماشے پہ مرا لگتا ہے
جی کے لگ جانے سے جینا بھی برا لگتا ہے
قتل عاشق پہ کمر باندھی ہے اے دل اس نے
پر خدا ہے کہ اسے نام مرا یاد رہے

مصحفی غلام ہمدانی

ہنس کے بولا کہ او میاں اس سے
کیا کروں دل مرا نہیں ملتا

مصطفٰیٰ خان شیفتہ

کچھ تو ہی اثر کر، ترے قربان خموشی!
نالوں سے تو کچھ کام مرا ہو نہیں سکتا

مومن خان مومن

گھر میں خود رفتگی سے دھوم مچی
کیوں کہ ہو اس تلک مرا جانا

مرزا رفیع سودا

بارہا دل کو میں سمجھا کے کہا کیا کیا کچھ
نہ سنا اور کھویا مجھ سے مرا کیا کیا کچھ

رئیس فروغؔ

تصویر بنانے کا مرض لے گیا اس کو
اک شخص تھا پرویز ابھی کل ہے مرا ہے

ثروت حسین

تہ زمین کسی اژدہے نے جنبش کی
بساط خاک پہ منظر مرا بدلنے لگا

حسرت موہانی

لگا دو آگ عذر مصلحت کو
کہ ہے بے زار اس شے سے مرا دل
تو انائے صداقت ہے تو ہرگز
نہ ہو گا پیرو باطل مرا دل

اختر ہوشیارپوری

اک خون کی خلیج مرے سامنے رہی
اور میرے پیچھے سایہ مرا عمر بھر رہا

احمد فراز

ایک زمانے بعد فراز یہ شعر کہے میں‌ نے
اک مدت سے ملے نہیں‌ ہیں‌ یار مرا اور میں

امیر مینائی

نہ ٹھہرا وصل، کاش اب قتل ہی پر فیصلا ٹھہرے
کہاں تک دل مرا تڑپے کہاں تک دم مرا ٹھہرے