مرزا غالب

پیشے میں عیب نہیں، رکھیے نہ فرہاد کو نام
ہم ہی آشفتہ سروں میں وہ جواں میر بھی تھا
ریختے کے تمہیں استاد نہیں ہو غالب
کہتے ہیں اگلے زمانے میں کوئی میر بھی تھا
غالب اپنا یہ عقیدہ ہے بقولِ ناسخ
’آپ بے بہرہ ہے جو معتقدِ میر نہیں‘

باقی صدیقی

کون اب دادِ سخن دے باقیؔ
جس نے دو شعر کہے میر ہوا

عبید اللہ علیم

اتنا سخن میرؔ نہیں سہل خدا خیر
نقاد بھی اب معتقد میرؔ ہوئے سب

غلام محمد قاصر

جزو شعر نہیں ہیں قاصرؔ جزو جاں کر ڈالے
ہم کو جتنے درد ملے تھے میرؔ بنانے والے
قاصرؔ نے تو دیکھا ہے اب تک فاقوں کا رقص
جوہری طاقت کیا ہے جوہر میرؔ سے پوچھتے ہیں

ماجد صدیقی

ہم تلک پہنچی ہے جو ماجدؔ یہی میراث تھی
فکر غالبؔ کی اور اندازِ تکلم میرؔ کا

حسرت موہانی

گزرے بہت استاد مگر رنگ اثر میں
بے مثل ہے حسرتؔ سخن میرؔ ابھی تک