داغ دہلوی

انتہا عشق کی خدا جانے
دمِ آخر کو ابتدا کہیے

شیخ ابراہیم ذوق

واہ کیا کیا طبیعت اپنی بھی
عشق میں ابتدا سے لڑتی ہے

مصحفی غلام ہمدانی

گلوں کے چہروں پہ زردی سی پھر رہی ہے تمام
گئی بہار وہ موسم کا ابتدا نہ رہا

مصطفٰیٰ خان شیفتہ

کیجے گر ان سے شکوہ انجامِ کارِ عشق
کہتے ہیں مجھ کو تم سے نہ تھا ابتدا سے ربط

یگانہ چنگیزی

عشق بازی کی انتہا معلوم
شوق سے ابتدا کرے کوئی

باقی صدیقی

موج ساحل سے جب جدا ہو گی
ایک طوفاں کی ابتدا ہو گی
موج ساحل سے جب جدا ہو جائے
ایک طفاں کی ابتدا ہو جائے

مصطفیٰ زیدی

نہ جانے کب سے سناتے تھے اس کو ہم احوال
نظر اٹھائی تو پھر ابتدا سے باتیں کیں

سدرشن فاکر

عاشقی ہو کہ بندگی فاکرؔ
بے دلی سے تو ابتدا نہ کرو

ماجد صدیقی

ہر شخص رہنما ہے کسے رہنما کریں
صورت کوئی بنے تو سفر ابتدا کریں

شکیل بدایونی

عزم و ہمت کے باوجود شکیلؔ
عشق کی ابتدا سے ڈرتے ہیں
کہاں تک ختم رہتا درمیاں پر دل کا افسانہ
بالآخر درمیاں سے ابتدا کرنے کا وقت آیا

فانی بدایونی

عشق عشق ہو شاید حسن میں فنا ہو کر
انتہا ہوئی غم کی دل کی ابتدا ہو کر

احمد فراز

میں اس کو دیکھتا رہتا تھا حیرتوں سے فراز
یہ زندگی سے تعارف کی ابتدا تھی مری
یہ اہلِ بزم تنک حوصلہ سہی پھر بھی
ذرا فسانۂ دل ابتدا کرو اس سے

شاذ تمکنت

نہ جانے کتنے ہیں سیارگان نادیدہ
تو انتہا جسے کہتا ہے ابتدا ہی نہ ہو

محسن احسان

ابھی سے تم نے دھواں دار کر دیا ماحول
ابھی تو سانس ہی لینے کی ابتدا کی تھی