داغ دہلوی

مگر عالمِ یاس میں تنگ آ کر
یہ سامان آفت عجب چاہتے ہیں

مصحفی غلام ہمدانی

اب خدا مغفرت کرے اس کی
میرؔ مرحوم تھا عجب کوئی
تو جو کل خاک کشتگاں سے گیا
شور اس دم عجب زمیں سے اٹھا
قد وہ بوٹا سا دیکھ کہتی ہے خلق
یہ تو پودا عجب زمیں سے اٹھا

مصطفٰیٰ خان شیفتہ

تھا شب تو آہ میں بھی اثر، جذبِ دل میں بھی
کیوں کر نہ آئے شیفتہ مجھ کو عجب رہا

باقی صدیقی

وہ نہ آئیں گے سنا ہے لیکن
یوں ہوا بھی تو عجب کیا ہو گا

عرفان صدیقی

اب اس قدر بھی سکوں مت دکھا بچھڑتے ہوئے
وہ پھر تجھے نہ کبھی مل سکے عجب کیا ہے

رئیس فروغؔ

اپنا انداز غضب لگتا ہے
آج کل عشق عجب لگتا ہے
تمھارے ساتھ ہمارا سفر عجب ہے میاں
شجر شجر پہ امربیل کیا غضب ہے میاں

ضیا جالندھری

گماں تھا یا تری خوشبو یقین اب بھی نہیں
نہیں ہوا پہ بھروسا تو کچھ عجب بھی نہیں
دے گیا درد بے طلب کوئی
میرا ہمدرد تھا عجب کوئی

خاطر غزنوی

اب امتیاز دشمنی و دوستی کسے
حالات ہو گئے ہیں عجب اپنے شہر میں

ناصر کاظمی

وہ ستارا تھی کہ شبنم تھی کہ پھول
ایک صورت تھی عجب یاد نہیں
لبِ جو چھاؤں میں درختوں کی
وہ ملاقات تھی عجب کوئی
چوٹ کھائی ہے بارہا لیکن
آج تو درد ہے عجب کوئی
آج مشکل تھا سنبھلنا اے دوست
تو مصیبت میں عجب یاد آیا
گیت بنتی ہے ترے شہر کی بھرپور ہوا
اجنبی میں ہی نہیں تو بھی عجب ہے کوئی