شیخ ابراہیم ذوق

شور قلقل یہ کیوں ہے دخترِ رز
کیا کسی پارسا سے لڑتی ہے
دیکھ اس چشمِ مست کی شوخی
جب کسی پارسا سے لڑتی ہے

مصطفٰیٰ خان شیفتہ

تمہارے حسنِ جہاں سوز سے میں جلتا ہوں
کہ ہیں رقیب مرے شیخ و پارسا، واعظ

مومن خان مومن

اللٰہ رے گمرہی بت و بت خانہ چھوڑ کر
مومنؔ چلا ہے کعبے کو اک پارسا کے ساتھ
اللہ ری گمرہی بت و بت خانہ چھوڑ کر
مومنؔ چلا ہے کعبے کو اک پارسا کے ساتھ
مے نہ اتری گلے سے جو اس بن
مجھ کو یاروں نے پارسا جانا

میر مہدی مجروح

دل ہے شوق گناہ سے لبریز
دیکھنے ہی کا پارسا ہوں میں

جگر مراد آبادی

مخصوص کس کے واسطے ہے رحمتِ تمام
پوچھیں گے ایک دن یہ کسی پارسا سے ہم

رئیس فروغؔ

پہلے ترے نگر کی ہوا پارسا لگی
پھر یوں ہوا کے ساری فضا فاحشہ لگی

اختر شیرانی

یہ جوانی یہ گھٹائیں یہ ہوائیں یہ بہار
حضرت اخترؔ ابھی سے پارسا کیوں ہو گئے

حسرت موہانی

قوی دل شادماں دل پارسا دل
ترے عاشق نے بھی پایا ہے کیا دل

حفیظ جالندھری

یہ جانتا ہوں کہ ہے نصف شب مگر ساقی
ذرا سی چاہیے اک مرد پارسا کے لیے

رسا چغتائی

اگر یہ محفل بنتِ عنب ہے
تو میں ایسا کہاں کا پارسا ہوں