شیخ ابراہیم ذوق

قصد جب تیری زیارت کا کبھو کرتے ہیں
چشمِ پر آب سے آئینے وضو کرتے ہیں
گھسے سب ناخنِ تدبیر اور ٹوٹی سر سوزن
مگر تھا دل میں جو کانٹا نہ ہرگز وہ کبھو نکلا
مزے جو موت کے عاشق بیاں کبھو کرتے
مسیح و خضر بھی مرنے کی آرزو کرتے
قفل صد خانۂ دل آیا جو تو ٹوٹ گئے
جو طلسمات نہ ٹوٹے تھے کبھو ٹوٹ گئے
سیکڑوں کاسہِ سر دہر میں مانند حباب
کبھو اے چرخ بنے تجھ سے کبھو ٹوٹ گئے

مصطفٰیٰ خان شیفتہ

نیرنگیوں نے تیری یہ حالت تغیر کی
امید زندگی کی کبھو ہے ، کبھو نہیں
تغئیرِ رنگ کہتی ہے وصلِ عدو کا حال
یعنی نقابِ رخ پہ کبھو ہے ، کبھو نہیں

فیض احمد فیض

نہ یہ غم نیا، نہ ستم نیا، کہ تری جفا کا گلہ کریں
یہ نظرتھی پہلے بھی مضطرب، یہ کسک تودل میں کبھو کی ہے

مرزا رفیع سودا

ناصح کو جیب سینے سے فرصت کبھو نہ ہو
دلِ یار سے پھٹے تو کسی سے رفو نہ ہو
اس دل کو دے کے لوں دو جہاں یہ کبھو نہ ہو
سودا تو ہووے تب یہ کہ جب اس میں تو نہ ہو

ادا جعفری

وہ کیسی آس تھی ادا جو کو بہ کو لیے پھری
وہ کچھ تو تھا جو دل کو آج تک کبھو ملا نہیں