مرزا غالب

کہتے ہو نہ دیں گے ہم دل اگر پڑا پایا
دل کہاں کہ گم کیجیے ؟ ہم نے مدعا پایا
اے پرتوِ خورشید جہاں تاب ادھر بھی
سائے کی طرح ہم پہ عجب وقت پڑا ہے

مومن خان مومن

تم بھی رہنے لگے خفا صاحب
کہیں سایہ مرا پڑا صاحب

باقی صدیقی

کون تھا مدمقابل باقیؔ
خود پہ ہی وار پڑا ہے اپنا
وقت چپ سا کھڑا ہے رستے میں
دشت کیسا پڑا ہے رستے میں
سنگ ریزوں کو دیکھنے والو
دل سا ہیرا پڑا ہے رستے میں
ہم ہیں اور اندھیری رات کا ہنگامہ
کس کا کس پر وار پڑا معلوم نہیں

جون ایلیا

مجھ میں آ کے گرا تھا اک زخمی
جانے کب تک پڑا رہا مجھ میں

رئیس فروغؔ

پاگل کوئی کہتا تھا کہ سورج سے لڑوں گا
وہ اب تری دیوار کے سائے میں پڑا ہے

زہرا نگاہ

میں اس دن تیری آمد کا نظارہ سوچتی تھی
وہ دن جب تیرے جانے کے لیے رکنا پڑا تھا

فارغ بخاری

کل اس کو تراشو گے تو پوجے گا زمانہ
پتھر کی طرح آج جو راہوں میں پڑا ہے

ماجد صدیقی

پھول کھلے تو میں خود چھپ کر بیٹھ رہا ویرانوں میں
بیت گیا جب موسمِ گل تو اجڑے بن میں کود پڑا

اختر ہوشیارپوری

در و دیوار پہ اک سایہ پڑا ہے دیکھو
میرے رستے میں کوئی جیسے کھڑا ہے دیکھو
یا اتنا سبک تھا کہ ہوا لے اڑی مجھ کو
یا اتنا گراں ہوں کہ سر راہ پڑا ہوں
جب آندھیاں آئی ہیں تو میں نکلا نہ گھر سے
پتوں کے تعاقب میں مگر دوڑ پڑا ہوں
جو مجھ کو دیکھ کے کل رات رو پڑا تھا بہت
وہ میرا کچھ بھی نہ تھا پھر بھی آشنا تھا بہت

امیر مینائی

مانندِ سبزہ اس چمنِ دہر میں امیر
بیگانہ وار ایک کنارے پڑا ہوں میں

شاذ تمکنت

نہیں کہ زیست سے کچھ واسطہ پڑا ہی نہ ہو
میں کیسے مانوں ترا دل کبھی دکھا ہی نہ ہو

قیوم نظر

پردہ اٹھا سکو تو جگر تک گداز ہے
چاہو کہ خود ہو یوں تو ہے پتھر پڑا ہوا

ناصر کاظمی

ہم نے موتی سمجھ کے چوم لیا
سنگ ریزہ جہاں پڑا دیکھا
دھیان کے آتش دان میں ناصر
بجھے دنوں کا ڈھیر پڑا ہے
دل کی حویلی پر مدت سے
خاموشی کا قفل پڑا ہے
آؤ گھاس پہ سبھا جمائیں
میخانہ تو بند پڑا ہے
وہ تو پھر غیر تھے لیکن یارو
کام اپنوں سے پڑا ہے اب کے