مصحفی غلام ہمدانی

تم نے کچھ ساقی کی کل دیکھی ادا
مجھ کو ساغرِ مے کا چھلکا کر دیا

عبدالحمید عدم

طوفانِ حوادث سے پیارے کیوں اتنا پریشاں ہوتا ہے
آثار اگر اچھے نہ ہوئے اک ساغرِ مے چھلکا دینا
ہنس ہنس کے جام جام کو چھلکا کے پی گیا
وہ خود پلا رہے تھے میں لہرا کے پی گیا

اسرار الحق مجاز

اس محفل کیف و مستی میں اس انجمن عرفانی میں
سب جام بکف بیٹھے ہی رہے ہم پی بھی گئے چھلکا بھی گئے

احمد راہی

کوئی حسرت بھی نہیں کوئی تمنا بھی نہیں
دل وہ آنسو جو کسی آنکھ سے چھلکا بھی نہیں

فراق گورکھپوری

نگہ مست کو جنبش نہ ہوئی گو سرِ بزم
کچھ تو اس جام لبا لب سے ابھی چھلکا ہے

قتیل شفائی

طرب خانوں کے نغمے غم کدوں کو بھا نہیں سکتے
ہم اپنے جام میں اپنا لہو چھلکا نہیں سکتے