مرزا غالب

ہم اور وہ بے سبب ’’رنج آشنا دشمن‘‘ کہ رکھتا ہے
شعاعِ مہر سے تہمت نگہ کی چشم روزن پر
ہوئی ہے مانع ذوقِ تماشا، خانہ ویرانی
کفِ سیلاب باقی ہے برنگِ پنبہ روزن میں
بیاں کس سے ہو ظلمت گستری میرے شبستاں کی
شبِ مہ ہو جو رکھ دیں پنبہ دیواروں کے روزن میں
ہوئے اس مہر وش کے جلوۂِ تمثال کے آگے
پرافشاں جوہرآئینے میں مثلِ ذرہ روزن میں
ہو گئے ہیں جمع اجزائے نگاہ آفتاب
ذرے اس کے گھر کی دیواروں کے روزن میں نہیں
کیا کہوں تاریکی زندان غم اندھیر ہے
پنبہ نورِ صبح سے کم جس کے روزن میں نہیں

مجروح سلطان پوری

جا رہے ہو تو ذرا دیکھنا تم بھی مجروحؔ
میری آنکھیں وہیں زنداں کے کسی روزن میں