مصحفی غلام ہمدانی

کھڑا نہ سن کے صدا میری ایک یار رہا
میں رہروان عدم کو بہت پکار رہا

باقی صدیقی

دل پر درد کا تقاضا ہے
دوستوں کی طرح پکار ہمیں

جون ایلیا

کرب تنہائی ہے وہ شے کہ خدا
آدمی کو پکار اٹھتا ہے

شکیب جلالی

اے دوست‘ پہلے قرب کا نشہ عجیب تھا
میں سن سکا نہ اپنے بدن کی پکار بھی

مصطفیٰ زیدی

نگر نگر میلے کو گئے کون سنے گا تیری پکار
اے دل اے دیوانے دل! دیواروں سے سر دے مار

بشیر بدر

کئی اجنبی تری راہ میں مرے پاس سے یوں گزر گئے
جنہیں دیکھ کر یہ تڑپ ہوئی ترا نام لے کے پکار لوں

علی سردار جعفری

کیا وہاں کوئی دل و جاں کا طلب گار نہیں
جا کے ہم کوچۂ قاتل میں پکار آتے ہیں

فارغ بخاری

وہ شور حسن تھا دم نظارۂ جمال
ہم سن سکے نہ اپنے بدن کی پکار بھی

اختر امام رضوی

وہ روشنی کا مسافر میں تیرگی کا دھواں
تو پھر بھلا وہ مجھے کس لیے پکار گیا

حفیظ جالندھری

نوحہ گروں کو بھی ہے گلا بیٹھنے کی فکر
جاتا ہوں آپ اپنی اجل کو پکارنے

شاد عظیم آبادی

کہیں جواب نہ تو نے دیا یہاں کے سوا
جہاں میں یوں تو بہت میں تجھے پکار آیا
نہ اپنے نالۂ دل کو ملا جواب کہیں
نکل کے دل سے تجھے عرش تک پکار آیا

فانی بدایونی

بے قراری میں اب یہ ہوش نہیں
کس کے در پر تجھے پکار آیا

شاذ تمکنت

یہی سفر کی تمنا یہی تھکن کی پکار
کھڑے ہوئے ہیں بہت دور تک گھنے اشجار

فراق گورکھپوری

عشق ہی سے ہیں منزلیں آباد
کارواں کارواں پکار بھی ہے

قتیل شفائی

مری سادگی کے خلوص نے تجھے بخش دی وہ برہنگی
جو نفس نفس کی ہے تشنگی جو نظر نظر کی پکار ہے
افق کے اس پار زندگی کے اداس لمحے گزار آؤں
اگر مرا ساتھ دے سکو تم تو موت کو بھی پکار آؤں

کلیم عاجز

وہ چپ بھی بیٹھے ہے تو ایسا بن کے بیٹھے ہے
ہر اک ادا یہ کہے ہے پکار دیکھو تو

محسن نقوی

مجھے نہ سن مرے بے شکل اب دکھائی تو دے
میں تھک گیا ہوں فضا میں تجھے پکار کے بھی