میر مہدی مجروح

تم میں اور غیر میں جو شب کو ہوئی ہے صحبت
خود کہے دیتا ہے وہ آپ کی آنکھوں کا جھکاؤ
نہیں بیمار کو تکلیف زیادہ دیتے
اپنی آنکھوں کو مرے سامنے اتنا نہ جھکاؤ

احسان دانش

ہر رنگ سے پیام اترتے ہیں روح میں
پڑتی ہے جب نگاہ دھنک کے جھکاؤ پر

فارغ بخاری

ہزار گردنیں خم ہوں برا نہیں پہ ستم ہے
خیال و فکر کی پستی نگاہ و دل کا جھکاؤ

احمد فراز

کشیدہ سر سے توقع عبث جھکاؤ کی تھی
بگڑ گیا ہوں کہ صورت یہی بناؤ کی تھی

قتیل شفائی

ہم سے تو جفاؤں کے شکوے تم ہنس کر چھین بھی سکتے ہو
ہم دل کو پشیماں کر لیں گے تم پیار سے آنکھ جھکاؤ بھی