میر مہدی مجروح

گر حقیقت نگر ہو چشم تو وہ
جلوہ ہر رنگ میں دکھانے لگے

باقی صدیقی

وقت کے سامنے تصویر بنے بیٹھے ہیں
آئنہ گردشِ دوراں کو دکھانے والے

قمر جلالوی

خدا تم کو توفیقِ رحم و کرم دے ، مرا دل دکھانے کی کوشش نہ کرنا
میں خود ہی فلک کا ستایا ہوا ہوں مجھے تم ستانے کی کوشش نہ کرنا
تمنائے دیدار رہنے دو سب کی نہیں ہے کسی میں بھی تابِ نظارہ
ابھی طور کا حادثہ ہو چکا ہے تجلی دکھانے کی کوشش نہ کرنا

ادا جعفری

سنگریزوں میں ڈھل گئے آنسو
لوگ ہنستے رہے دکھانے کو

اکبر معصوم

یوں ہی میں خود کو خواب دکھانے میں آ گیا
یوں ہی میں خود کو خواب دکھانے میں جاؤں گا

بشیر بدر

احباب بھی غیروں کی ادا سیکھ گئے ہیں
آتے ہیں مگر دل کو دکھانے نہیں آتے

فارغ بخاری

رنگ در رنگ حجابات اٹھانے ہوں گے
بے محابا ہمیں سب جلوے دکھانے ہوں گے

حفیظ جالندھری

زندگی فردوسِ گم گشتہ کو پا سکتی نہیں
موت ہی آتی ہے یہ منزل دکھانے کے لیے

سیف الدین سیف

کن راہوں پہ ڈال دیا
راہ دکھانے والوں نے

شاد عظیم آبادی

ہو گئے دیکھنے والے بھی جہاں سے نایاب
اب دکھائے کسے حیراں ہے دکھانے والا

شان الحق حقی

ہم وہی ہیں کہ جہاں بات کسی نے پوچھی
خوش گماں ہو کے لگے داغ دکھانے اپنے

فانی بدایونی

تمہارا درد تو درماں بنا لیا ہم نے
اب اور سوچیے تدبیر دل دکھانے کی

احمد فراز

کاش تو بھی کبھی آ جائے مسیحائی کو
لوگ آتے ہیں بہت دل کو دکھانے میرے
تیری باتیں ہی سنانے آئے
دوست بھی دل ہی دکھانے آئے
رنجش ہی سہی دل ہی دکھانے کے لیے آ
آ پھر سے مجھے چھوڑ کے جانے کے لیے آ

شاذ تمکنت

خواب نادم ہیں کہ تعبیر دکھانے سے گئے
سائے سائے مری نیندوں کے سرہانے سے گئے

کلیم عاجز

ہاں کچھ بھی تو دیرینہ محبت کا بھرم رکھ
دل سے نہ آ دنیا کو دکھانے کے لیے آ

کیف بھوپالی

تیری مانند تری یاد بھی ظالم نکلی
جب بھی آئی ہے مرا دل ہی دکھانے آئی

محبوب خزاں

گھبرا نہ ستم سے نہ کرم سے نہ ادا سے
ہر موڑ یہاں راہ دکھانے کے لیے ہے
ناز و اندازِ دل دکھانے لگے
اب وہ فتنے سمجھ میں آنے لگے

ناصر کاظمی

میں ان کی راہ دیکھتا ہوں رات بھر
وہ روشنی دکھانے والے کیا ہوئے