فیض احمد فیض

سروہی ہے تو آستاں ہے وہی
جاں وہی ہے تو جانِ جاں ‌ہے وہی

باقی صدیقی

خونِ دل کا معاملہ ہے
دنیا ہو کہ تیرا آستاں ہو
ہمیں اپنی جبیں نہ مل سکتی
اتنے غیروں کے آستاں ہوتے
حسن خوش ہینہ عشق آسودہ
کیا ترے آستاں کی بات کریں
اہلِ ستم پہ اہلِ ستم کا ستم نہ پوچھ
اک آستاں کے بدلے کئی آستاں جلے

جون ایلیا

ہو تری خاک آستاں پہ سلام
ہم ترے آستاں کے تھے ہی نہیں
ہم تیرے آستاں پہ یہ کہنے کو آئے ہیں
وہ خاک ہو گئے جو ترے آستاں کے تھے
سارا سودا نکال دے سر سے
اب نہیں کوئی آستاں چپ رہ

قمر جلالوی

دیر و حرم میں شیخ و برہمن سے پوچھ لے
سجدے اگر کیے ہوں ترے آستاں سے دور
وہ چاہے سجدہ کیا ہو نہ دیر و کعبہ میں
مگر ہوا نہ کبھی تیرے آستاں سے گریز
خطا معاف وہ دیوانگی کا عالم تھا
جسے حور سمجھتے ہیں آستاں سے گریز

اسرار الحق مجاز

دیکھیں گے ہم بھی کون ہے سجدہ طراز شوق
لے سر اٹھا رہے ہیں ترے آستاں سے ہم

بہزاد لکھنوی

ان بے نیازیوں میں بھی شان نیاز ہے
سجدے نہیں پسند تو پھر آستاں ہیں کیوں

فارغ بخاری

غریب انسان کی خودی کو بغاوتیں گدگدا رہی ہیں
نہ یہ جبیں اب جبیں رہے گی نہ آستاں آستاں رہے گا

احمد راہی

مرے خیالوں میں آج بھی خواب عہد رفتہ کے جاگتے ہیں
تمہارے پہلو میں کاہش یاد آستاں تھک کے سو گئی ہے

تلوک چند محروم

ہم کیوں کریں ذلیل جبینِ نیاز کو
شایان سجدہ جب نہ کوئی آستاں ملے
کاوشوں سے اماں ملے نہ ملے
پھر ترا آستاں ملے نہ ملے

جلیل مانک پوری

دو جہاں کی طلب سے فارغ ہوں
تیرا در تیرا آستاں لے کر

حسرت موہانی

حسرتؔ پھر اور جا کے کریں کس کی بندگی
اچھا جو سر اٹھائیں بھی اس آستاں سے ہم

خاطر غزنوی

تری طلب تھی ترے آستاں سے لوٹ آئے
خزاں نصیب رہے گلستاں سے لوٹ آئے
سر نیاز کو پایا نہ جب ترے قابل
خراب عشق ترے آستاں سے لوٹ آئے

شکیل بدایونی

تھا حرم کی سرزمیں پر لطف اندوز سجود
یعنی کعبے کو تمہارا آستاں سمجھا تھا میں

فانی بدایونی

ہزار ڈھونڈیے اس کا نشاں نہیں ملتا
جبیں ملے تو ملے آستاں نہیں ملتا
تا عرض شوق میں نہ رہے بندگی کی لاگ
اک سجدہ چاہتا ہوں ترے آستاں سے دور
اللہ رکھے ہم کو سہارا ہے ضعف کا
بیٹھے تو پھر اٹھیں گے نہ اس آستاں سے ہم

اختر ہوشیارپوری

وہ بے نیاز ہیں ہم مستقل کہیں نہ رکے
کسی کے نقش قدم آستاں کے ہوتے ہوئے