فیض احمد فیض

حسرتِ دید میں گزراں ہیں زمانے کب سے
دشتِ امید میں گرداں ہیں دوانے کب سے

مرزا رفیع سودا

اپنے کا ہے گناہ بیگانے نے کیا کیا
اس دل کو کیا کہوں کہ دوانے نے کیا کیا

جون ایلیا

تم اپنے چاہنے والوں کی بات مت سنیو
تمہارے چاہنے والے دوانے ہو گئے ہیں

اختر شیرانی

ہے نجد میں سکوت ہواؤں کو کیا ہوا
لیلائیں ہیں خموش دوانے کدھر گئے
اجڑے پڑے ہیں دشت غزالوں پہ کیا بنی
سونے ہیں کوہسار دوانے کدھر گئے

شاذ تمکنت

دشت کیا شے ہے جنوں کیا ہے دوانے کے لیے
شہر کیا کم ہے مجھے خاک اڑانے کے لیے

فراق گورکھپوری

کچھ دل مرحوم کی باتیں کرو اے اہلِ علم
جس سے ویرانے تھے آباد اس دوانے کی کہو