مرزا غالب

آزادی نسیم مبارک کہ ہر طرف
ٹوٹے پڑے ہیں حلقۂِ دام ہوائے گل
شرمندہ رکھتے ہیں مجھے بادِ بہار سے
مینائے بے شراب و دل بے ہوائے گل
خزینہ دارِ محبت ہوی ہوائے چمن
بنائے خندۂِ عشرت ہے بر بنائے چمن

مصطفٰیٰ خان شیفتہ

بلبل کو بھی نہیں ہے دماغِ صدائے گل
بگڑی ہے تیرے دور میں ایسی ہوائے گل
ہنگامِ غش جو غیر کو اس نے سنگھائے گل
جنت میں لے چلی مری جاں کو ہوائے گل

یگانہ چنگیزی

قفس نصیبوں کو تڑپا گئی ہوائے بہار
چھری سی دل پہ چلی جب چلی ہوائے بہار

عرفان صدیقی

قافلے پھر نہیں جاتے ہیں ورائے دریا
راس آ جائے اگر آب و ہوائے دریا
خیمہ کرتے نہیں ہم لوگ ورائے دریا
روک لیتی ہے ہمیں آب و ہوائے دریا

خاطر غزنوی

خبر نہیں مجھے کس سمت لے کے اڑ جائے
کئی دنوں سے مرے سر میں ہے ہوائے صبا

مجروح سلطان پوری

گل بنتی ہے شاید خاکِ وطن شاید کہ سفر کرتی ہے خزاں
خوشبوئے بہاراں ملتی ہے کچھ دن سے ہوائے زنداں میں