یگانہ چنگیزی

صدمے دیے تو صبر کی دولت بھی دے گا وہ
کس چیز کی کمی ہے سخی کے خزانے میں

باقی صدیقی

کچھ نہ پا کر بھی مطمئن ہیں ہم
عشق میں ہاتھ کیا خزانے لگے

عبدالحمید عدم

فقیروں کی جھولی نہ ہو گی تہی
ہیں بھرپور جب تک خزانے ترے

عرفان صدیقی

کوئلیں پھر بھولے بسرے غم جگانے آ گئیں
گرمیاں لے کر اداسی کے خزانے آ گئیں
بدن کے نقرئی ٹکڑے لہو کی اشرفیاں
ادھر سے گزرا ہے ایسے خزانے والا کون

بشیر بدر

ہونٹوں پہ محبت کے فسانے نہیں آتے
ساحل پہ سمندر کے خزانے نہیں آتے

فارغ بخاری

آج تک شاہوں کی تحویل میں جو آ نہ سکے
سیکڑوں ایسے پر اسرار خزانے ہوں گے

سیف الدین سیف

پھر وہ ڈال گئے دامن میں
درد کی دولتِ غم کے خزانے

شکیل بدایونی

یہ انتہا ہے جنون ہوس پرستی کی
پرائے گھر میں خزانے تلاش کرتے ہیں

احمد فراز

لٹ کے بھی خوش ہوں کہ اشکوں سے بھرا ہے دامن
دیکھ غارت گر دل یہ بھی خزانے میرے

مجروح سلطان پوری

عام ہو گا اب ہم دم سب پہ فیض فطرت کا
بھر سکیں گے اب دامن ہم بھی اس خزانے سے

ناصر کاظمی

رستوں میں اداس خوشبوؤں کے
پھولوں نے لٹا دیے خزانے