مرزا غالب

دی سادگی سے جان پڑوں کوہکن کے پاؤں
ہیہات کیوں نہ ٹوٹ گیے پیر زن کے پاؤں
بھاگے تھے ہم بہت، سو، اسی کی سزا ہے یہ
ہو کر اسیر دابتے ہیں راہ زن کے پاؤں

حیدر علی آتش

نہیں بے وجہ ہنسنا اس قدر زخم شہیداں کا
تری تلوار کا منہ کچھ نہ کچھ اے تیغ زن بگڑا
نہیں اک مرد کو دنیا سے مطلب
مریں نامرد اس زن پر ہزاروں

مصحفی غلام ہمدانی

ابرق سوختہ سا کیوں نہ نظر آئے جو ہو
آتش حسن تری صاعقہ زن آئنے میں

مصطفٰیٰ خان شیفتہ

پروانہ ہے خموش کہ حکمِ سخن نہیں
بلبل ہے نغمہ گر کہ نوا زن بنا دیا

عرفان صدیقی

مرے خیال میں خوشبو کے پنکھ کھلنے لگے
ہوائے دشت کسی خیمہ زن کا جادو ہے

حسرت موہانی

دل خون ہو چکا ہے جگر ہو چکا ہے خاک
باقی ہوں میں مجھے بھی کر اے تیغ زن تمام

شاذ تمکنت

بہانہ چاہیے تھا جوئے شیر و شیریں کا
کوئی سمجھ نہ سکا تیشہ زن ہی ایسا تھا

ناصر کاظمی

کنج کنج نغمہ زن بسنت آ گئی
اب سجے گی انجمن بسنت آ گئی