مرزا غالب

جاں کیوں نکلنے لگتی ہے تن سے دمِ سماع
گر وہ صدا سمائی ہے چنگ و رباب میں

مصطفٰیٰ خان شیفتہ

اس صوت جاں نواز کا ثانی بنا نہیں
کیا ڈھونڈتے ہو بربط و عود و رباب میں

جگر مراد آبادی

دل مطرب سمجھ سکے شاید
اک شکستہ رباب کا عالم

عبدالحمید عدم

کس نے چھیڑا تھا ساز مستی کو؟
ایک شعلہ رباب میں دیکھا

احسان دانش

کچھ اپنے ساز نفس کی نہ قدر کی تو نے
کہ اس رباب سے بہتر کوئی رباب نہ تھا
بہار آئی ہے پھر جھوم کر سحاب اٹھا
کہاں ہے مطربِ رنگیں نوا رباب اٹھا

فراق گورکھپوری

حریم عشق کے پردوں سے لو نکلتی ہے
یہ سوز و ساز ہے کس نغمۂ رباب کی آنچ

ناصر کاظمی

بدلی نہ اس کی روح کسی انقلاب میں
کیا چیز زندہ بند ہے دل کے رباب میں