باقی صدیقی

اس بدلتے ہوئے زمانے کا
تیرے قصے بھی کچھ پرانے لگے

جون ایلیا

ہمارے زخمِ تمنا پرانے ہو گئے ہیں
کہ اس گلی میں گئے اب زمانے ہو گئے ہیں

عبدالحمید عدم

اسیروں کی دولت اسیری کا غم
نئے دام تیرے پرانے ترے

قمر جلالوی

خاک لے گئی بجلی میرے آشیانے سے
صرف چار چھ تنکے وہ بھی کچھ پرانے سے

بشیر بدر

جاؤ ان کمروں کے آئینے اٹھا کر پھینک دو
بے ادب یہ کہہ رہے ہیں ہم پرانے ہو گئے
یارو نئے موسم نے یہ احسان کیے ہیں
اب یاد مجھے درد پرانے نہیں آتے

بیان میرٹھی

کوئی مذہب نہیں زمانے کا
اس پرانے کے ہیں ہزار طریق

سیف الدین سیف

نئی نئی امیدیں آ کر
چھیڑ رہی ہیں زخم پرانے

شان الحق حقی

وہ مزا رکھتے ہیں کچھ تازہ فسانے اپنے
بھولتے جاتے ہیں سب درد پرانے اپنے

شکیل بدایونی

نئے نظام کی بنیاد توڑنے والے
وفا شعار پرانے تلاش کرتے ہیں

احمد فراز

جز ترے کوئی بھی دن رات نہ جانے میرے
تو کہاں ہے مگر اے دوست پرانے میرے
اپنا یہ حال کہ جی ہار چکے لٹ بھی چکے
اور محبت وہی انداز پرانے مانگے
قرب اچھا ہے مگر اتنی بھی شدت سے نہ مل
یہ نہ ہو تجھ کو مرے روگ پرانے لگ جائیں

کیف بھوپالی

اک نیا زخم ملا ایک نئی عمر ملی
جب کسی شہر میں کچھ یار پرانے سے ملے

ناصر کاظمی

پھر درد نے آگ راگ چھیڑا
لوٹ آئے وہی سمے پرانے
رات ملے کچھ یار پرانے انٹر کانٹی نینٹل میں
یاد آئے پھر کتنے زمانے انٹر کانٹی نینٹل میں