جون ایلیا

شاید وہ دن پہلا دن تھا پلکیں بوجھل ہونے کا
مجھ کو دیکھتے ہی جب اس کی انگڑائی شرمائی ہے

عرفان صدیقی

یہ بھی گزرے ہوئے بادل کی ہے ترسائی ہوئی
جا رہی ہے جو ندی کھیتوں سے شرمائی ہوئی

بشیر بدر

ان لفظوں کی چادر کو سرکاؤ تو دیکھو گے
احساس کے گھونگھٹ میں شرمائی ہوئی غزلیں

حفیظ جالندھری

خانۂ دل میں کسی پردہ نشیں کی آرزو
آرزو کیا ہے دلہن بیٹھی ہے شرمائی ہوئی

قتیل شفائی

چمکتی ہے کوئی بجلی تو شمع رہ گزر بن کر
نگاہ برہم ان کی کچھ تو شرمائی بھی ہوتی ہے