مرزا غالب

کرم ہی کچھ سببِ لطف و التفات نہیں
انہیں ہنساکے رلانا بھی کوی بات نہیں

انشاء اللہ خان انشا

مطلق ملا کے آنکھ ادھر دیکھتے نہیں
آتے نظر ہو آج بھی کم التفات سے

مصطفٰیٰ خان شیفتہ

لڑتے ہو جب رقیب سے کرتے ہو مجھ سے صلح
مشتاق یاں نہیں کوئی اس التفات کا

باقی صدیقی

ہمیں نے عشق کیا اختیار جب باقیؔ
جہاں سے رسم و رہ التفات ختم ہوئی

جگر مراد آبادی

ان کے بہلائے بھی نہ بہلا دل
رائیگاں سعی التفات گئی
ہم نے بھی وضعِ غم بدل ڈالی
جب سے وہ طرز التفات گئی

عبدالحمید عدم

دلِ تباہ کو کچھ اور کر گئی زخمی!
وہ اک نگاہ جو لبریز التفات ہوئی

قمر جلالوی

مگر ہمیں تو نگاہِ عتاب سے ہی نواز
عدہ کی سمت تری چشمِ التفات سہی

مجید امجد

یہ کیا عجیب راز ہے ، سمجھ سکوں تو بات ہے
نہ اب وہ ان کی بے رخی نہ اب وہ التفات ہے

مصطفیٰ زیدی

میری حالت کا پوچھنا ہی کیا
سب ترا التفات ہے اے دل
قدم قدم پہ تمنائے التفات تو دیکھ
زوال عشق میں سوداگروں کا ہات تو دیکھ

الطاف حسین حالی

اب وہ اگلا سا التفات نہیں
جس پہ بھولے تھے ہم وہ بات نہیں
مجھ کو تم سے اعتماد وفا
تم کو مجھ سے پر التفات نہیں

فراق گورکھپوری

اس جان دوستی کا خلوص نہاں نہ پوچھ
جس کا ستم بھی غیرت صد التفات ہے

محبوب خزاں

اے بہار سر گراں تو خزاں نصیب ہے
اور ہم ترس گئے تیرے التفات کو