جون ایلیا

ہم سنے اور سنائے جاتے تھے
رات بھر کی کہانیاں تھے ہم

شکیب جلالی

مرے لبوں سے کوئی بات بھی نہیں نکلی
مگر تراش، کیں تم نے کہانیاں لوگو

ظہیر کاشمیری

وہ حسن آج بھی حیلہ گری میں یکتا ہے
دل غریب سنے گا کہانیاں کیا کیا

کلیم عاجز

مری شاعری میں نہ رقصِ جام نہ مے کی رنگ فشانیاں
وہی دکھ بھروں کی حکایتیں وہی دل جلوں کی کہانیاں
یہ مری زباں پہ غزل نہیں میں سنا رہا ہوں کہانیاں
کہ کسی کے عہدِ شباب پر مٹیں کیسی کیسی جوانیاں
یہ بیان حال یہ گفتگو ہے مرا نچوڑا ہوا لہو
ابھی سن لو مجھ سے کہ پھر کبھو نہ سنو گے ایسی کہانیاں