مرزا غالب

دیکھا اسدؔ کو خلوت و جلوت میں بارہا
دیوانہ گر نہیں ہے تو ہشیار بھی نہیں

امام بخش ناسخ

تمنا ہے ساقی کبھی بزمِ مے میں
وہ سرشار ہو اور ہشیار میں ہوں

انشاء اللہ خان انشا

کہیں بوسے کی مت جرأت دلا کر بیٹھیو ان سے
ابھی اس حد کو وہ کیفی نہیں ہشیار بیٹھے ہیں

داغ دہلوی

جب ان کو طرزِ ستم آ گئے تو ہوش آیا
برا ہو دل کا برے وقت ہشیار کیا
بیتاب ہو کے بزم سے اس کی اٹھا دیا
غافل میں ہوں مگر ہے بہت ہشیار دل
زاہد کی توبہ توبہ رہی گھونٹ گھونٹ پر
سو بوتلیں اڑا کے بھی ہشیار ہی رہا

مصحفی غلام ہمدانی

یوں ہوئی ہار گلے کا مرے وہ نرگس مست
جوں کرے راہ میں کوئی کسی ہشیار سے بحث

مصطفٰیٰ خان شیفتہ

تھا قصدِ بوسہ نشے میں سرشار دیکھ کر
غش آ گیا مجھے انہیں ہشیار دیکھ کر

عرفان صدیقی

عجیب نشہ ہے ہشیار رہنا چاہتا ہوں
میں اس کے خواب میں بیدار رہنا چاہتا ہوں

مصطفیٰ زیدی

اس کے وار پہ شاید آج تجھ کو یاد آئے ہوں وہ دن
اے نادان خلوص کہ جب وہ غافل تھا ہم ہشیار

علی سردار جعفری

شوخ و شاداب و حسیں سادہ و پرکار آنکھیں
مست و سرشار و جواں بے خود و ہشیار آنکھیں

جوش ملیح آبادی

نوید عیش سے اے دل ذرا ہشیار ہو جانا
کسی تازہ مصیبت کے لیے تیار ہو جانا
رگوں سے خون سارا زہر بن کر پھوٹ نکلے گا
ذرا اے جوشؔ ضبط شوق سے ہشیار ہو جانا

حفیظ جالندھری

مستوں پہ انگلیاں نہ اٹھاؤ بہار میں
دیکھو تو ہوش ہے بھی کسی ہشیار میں

فانی بدایونی

یاں ہوش سے بے زار ہوا بھی نہیں جاتا
اس بزم میں ہشیار ہوا بھی نہیں جاتا

فراق گورکھپوری

ہر فریب غمِ دنیا سے خبردار تو ہے
تیرا دیوانہ کسی کام میں ہشیار تو ہے