مرزا غالب

جوئے خوں آنکھوں سے بہنے دو کہ ہے شامِ فراق
میں یہ سمجھوں گا کہ شمعیں دو فروزاں ہو گئیں
اس قدر بھی دلِ سوزاں کو نہ جان افسردہ
ابھی کچھ داغ تو اے شمع! فروزاں ہوں گے

عرفان صدیقی

اس روشنی میں تیرا بھی پیکر نظر نہ آئے
اچھا یہ بات ہے تو فروزاں نہ کر مجھے

زہرا نگاہ

ترا خیال فروزاں ہے دیکھیے کیا ہو
خموش گردشِ دوراں ہے دیکھیے کیا ہو

شکیل بدایونی

تری یادوں سے دل فروزاں کریں گے
پھر اس غم کدے میں چراغاں کریں گے

قابل اجمیری

ظلمت سے بے کراں تو اجالے بھی کم نہیں
ہر داغِ دل کو آج فروزاں کریں گے ہم

مجروح سلطان پوری

میرے شکوۂ غم سے عالم ندامت میں
اس لب تبسم پر شمع سی فروزاں ہے