مرزا غالب

ہم سے کھل جاؤ بوقتِ مے پرستی ایک دن
ورنہ ہم چھیڑیں گے رکھ کر عذرِ مستی ایک دن
قرض کی پیتے تھے مے لیکن سمجھتے تھے کہ ہاں
رنگ لائے گی ہماری فاقہ مستی ایک دن

مصحفی غلام ہمدانی

نے بت ہے نہ سجدہ ہے نے بادہ نہ مستی ہے
یاں شعر پرستی ہے یا حسن پرستی ہے

یگانہ چنگیزی

بے دلوں کی ہستی کیا جیتے ہیں نہ مرتے ہیں
خواب ہے نہ بیداری ہوش ہے نہ مستی ہے

اسرار الحق مجاز

شاعر کی دنیا شاعر کی ہستی
یا نالۂ غم یا شور مستی
یا خلد و ساقی اے جذب مستی
یا ٹکڑے ٹکڑے دامان ہستی
ان انکھڑیوں کا عالم نہ پوچھو
صہبا ہی صہبا مستی ہی مستی
آغاز سیہ مستی انجام سیہ مستی
آئینے میں صورت بھی آنے کی قسم کھاتی

جلیل مانک پوری

بنے ہیں جب سے وہ ساقی مزے کی مے پرستی ہے
ادھر مے ہے پیالوں میں ادھر آنکھوں میں مستی ہے
تری آنکھوں کے صدقے ایک دنیا ان میں بستی ہے
فسوں ہے سحر ہے اعجاز ہے شوخی ہے مستی ہے
نگاہوں سے ملاتا ہوں نگاہیں اس تمنا میں
وہ میرے دل میں آ جائے جو ان آنکھوں میں مستی ہے
نہ صہبا ہے نہ ساغر ہے نہ مینا ہے نہ خمِ ساقی
مجھے جو مست کرتی ہے تری آنکھوں کی مستی ہے
جوانی نے دیے ہیں ان کو لا کر ہم نشیں کیا کیا
ادا میں ناز چتون میں حیا آنکھوں میں مستی ہے
تماشا ہے مری رندی کہ ساغر ہاتھ میں لے کر
ہر اک سے پوچھتا ہوں میں کہیں تھوڑی سی مستی ہے

سیف الدین سیف

تیری آنکھوں میں رنگ مستی ہے
ہاں مجھے اعتبار ہستی ہے

امیر مینائی

جوانی لے گئی ساتھ اپنے سارا عیش مستوں کا
صراحی ہے نہ شیشہ ہے نہ ساغر ہے نہ مستی ہے